تاريخ القويعية مدن وقرى تربية وتعليم أخبار القويعية احتفالاتنا
شعراء القويعية مطبخ القويعية أسماء العائلات مواقع صديقة طقس ورحلات

ابن جبرين

موضوع مغلق
النتائج 1 إلى 10 من 10

الموضوع: تبغون تكتبون معروض( شكوى ) ؟ عليك بهذه الصياغة وإلا بلاش ...

  1. #1

    تبغون تكتبون معروض( شكوى ) ؟ عليك بهذه الصياغة وإلا بلاش ...

    شكوى من مواطن لمدير الاتصالات



    بسم الله الرحمن الرحيم
    سعادة مدير عام الاتصالات بمدينة ‏بني هشبل حفظه الله
    ‏السلام عليكم ورحمة الله وبركاته وبعد
    أبعث إليكم بخطابي ‏هذا وفيه أرفع شكواي لكم لعلها تجد آذانا صاغية .
    ‏سعادة المدير العام :
    ‏العام ‏فالشتا في شهر حدعش قدّمت عليكم طلب فتح كبينة إتصالات أريد اترزّق الله فيها ودارت ‏الاوراق ودارت ودارت وقلتوا لي كمّل الشروط وكمّلتها وارتفعت الاوراق للرياض ورجعت ‏بالموافقة ، ويوم راجعت أحد موظفينكم قال لي واحد اسمه على الصعيبي قال لي: أوراقك ‏مصلّب عليها بالقلم الأحمر!! . قلت : من اللي مصلبٍ عليها ؟ قال المدير العام !
    ‏وهالحين أنت وش تطلبني ؟ أنا مخطي عليك في شي ؟ أو ما استحق اللي يستحقونه ‏المواطنين ؟ واللي مثلك الله يطول عمرك يساعد على الخير ويقف في صف المواطنين . ‏وانت تقف في نحورهم مثل شخب ابليس ؟ سعادة المدير العام تعوذ من ابليس وفكنا من شرك ‏ولا تحط النشب وانت من الله في سعة . وهالحين اغد رجال ومشّ أوراقي ولاّ ترا الوجه ‏من الوجه أبيض وترا ابن سعود فاتحن أبوابه وتراني ابكبر الموضوع . ‏وشكرن

    مقدمه/ مرزوق سلمي



    متعوب على الصيغه ولا يا شباب



    تحيتي لكم
    اخوكم
    راس نجد

    [ تم التعديل بواسطة راس نجد في 2006/1/26 1:28 ]

  2. #2

    رد على: تبغون تكتبون معروض( شكوى ) ؟ عليك بهذه الصياغة وإلا



    هذا توصيف حارة مهوب معرووض...(سوالف)

    شكل راعي المعروض بيخلص شغله عجل...

    اخوك/ابوهجير

  3. #3

    رد على: تبغون تكتبون معروض( شكوى ) ؟ عليك بهذه الصياغة وإلا

    [marqv]
    شكرن
    [/marqv]

  4. #4

    رد على: تبغون تكتبون معروض( شكوى ) ؟ عليك بهذه الصياغة وإلا

    اخوي / ابو هجير

    هنا الموضوع المضحك انه يوصف الحادثه والجميل يوم يقول

    وش الي بيني وبينك ههههههههااي
    ================================================
    اخوي / ادمن

    شكراً على مروك

    تحيتي لكم
    اخوكم
    راس نجد

  5. #5

    رد على: تبغون تكتبون معروض( شكوى ) ؟ عليك بهذه الصياغة وإلا

    خربها في الاخير

  6. #6

    رد على: تبغون تكتبون معروض( شكوى ) ؟ عليك بهذه الصياغة وإلا

    اخوي / ابو بسام

    ايه لزم يخربها قصدك فتحله الكبينه من بكره ههههههه

    اصول لعب على الأوتار استغلال ضعف الخصم


    شكراً على المرور

    تحيتي لك
    اخوك
    راس نجد

  7. #7

    رد على: تبغون تكتبون معروض( شكوى ) ؟ عليك بهذه الصياغة وإلا

    المشكلة انه يراجع ويراجع
    وفي الاخير صلّب المدير
    على طلبه
    راح التعب بجرّة قلم أحمر

  8. #8

    رد على: تبغون تكتبون معروض( شكوى ) ؟ عليك بهذه الصياغة وإلا

    اخوي /gia1444

    والله ما ينفع إلا كذا

    حاول يمين يسار ولا نفع معهم شي

    وفي الأخير هذا الخطاب وش احليله

    تحيتي لك
    اخوك
    راس نجد

  9. #9

    رد على: تبغون تكتبون معروض( شكوى ) ؟ عليك بهذه الصياغة وإلا

    هههههههههههههههههههههههههههههههههه

    والله من زمان وانا اقرا ها العنوان واقول هاذي يمكن صيغه للمعروض ويبي يفيدنا بها اثر الدعوى صيغه طنازه

    والله ياهو سوقي ((حلوه سوقي صح مدري كيف جت معي )) اجل لو انه يبي يكتب معروض يطلب فيه شي عادي وش بيقول بيجيب مطمات

    مشكور يا راس نجد ولا هنت ولا هان قوم ارفعو رايه الدين

  10. #10

    رد على: تبغون تكتبون معروض( شكوى ) ؟ عليك بهذه الصياغة وإلا

    اخوي / عجلان

    شكراً على المرور ولا هنت

    مر على كل المواضيع مهوب بس تقرى الموضوع



    تحيتي لك
    اخوك
    راس نجد

موضوع مغلق

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

تم التصميم والتطوير بواسطة: Digital Portal